Google - da reklam edərkən nələrə diqqət etməliyik?

Google – da reklam  niyə vacibdir? Çünki Google dünyanın 1 nömrəli axtarış brauzeridir. 2019-cu ilin statistikasına görə, Google – da hər ay 170 milyarddan artıq axtarış baş tutur. Buna görə də bir çox şirkət məhsullarının, xidmətlərinin reklamını məhz Google üzərindən həyata keçirir. Lakin başqa səbəblər də var:

Əhatə dairəsi - Ən balacasından, ən böyüyünə, işçisindən müdirinə, demək olar ki, hər kəs Google – dan istifadə edir, nə isə axtarır.

Büdcə dostuGoogle – da reklam vasitəsilə növündən, əhatə dairəsindən, müddətindən və.s amillərdən asılı olaraq hər büdcəyə uyğun reklam yerləşdirə bilərsiniz.

Rahat idarə edilməsi – Ənənəvi reklam vasitələrində reklamı verdikdən sonra dəyişmək, ləğv etmək, yaxud dayandırmaq xeyli vaxt və maliyyə tələb edirdi. Amma Google – da reklam alətləri bizim reklamların idarə olunması üçün rahatlığımızı təmin edir, fəaliyyətimizi sürətləndirir və qat-qat az maddi itki ilə nəticələnir.

Məqsədyönlü olması – Sosial şəbəkələrdə də reklam vermək xüsusiyyəti var. Ancaq Google – da reklam bizə şərait yaradır ki, reklam məhz o məhsulla maraqlanan, axtaran istifadəçilərin qarşısına lazım olan zamanda, yəni axtarış edilərkən çıxsın. Lakin sosial şəbəkələr bizə bu şansı vermir.

Hədəf auditoriyanın dəqiq təyin edilməsi – Hədəfləmə vasitələrindən əlavə, açar sözlərin də hərfi-hərfinə seçilə bilməsi bizim məhz istədiyimiz auditoriyaya çıxışımızı təmin edir.

Bu özəlliklər reklam verənlər üçün əlverişli olsa da, bəzi səhvlər var ki, müəyyən edilmiş nəticəni əldə etməyi əngəlləyir.

- Yönləndirilən səhifə: Google – da reklam verərkən müştərinin yönləndirildiyi səhifə bəzən saytın əsas səhifəsi olur. Fəqət burada axtarışa uyğun olaraq məhsul, yaxud xidmət saytın hansı səhifəsində yerləşdirilibsə oraya keçid olmalıdır. Əks halda, müştəri ana səhifədən çıxır və həm vaxt, həm büdcə havaya gedir.

- Açar söz analizi: Google – da reklam zamanı bəzən məhsulumuzla bağlı çox ümumi bir ifadəni, sözü açar söz kimi əlavə edib, yaxşı nəticə gözləyirik. Lakin nəzərə almırıq ki, o sözlə bağlı rəqabət böyükdür. Buna görə bizim reklamımızın diqqət cəlb etməsi çətinləşir. Məhsul, yaxud xidmətlə bağlı bir neçə sözdən ibarət cümlələr, ifadələr seçməliyik.

- Rəqib şirkətlərin analizi: Google – da reklam verməzdən öncə rəqiblərimizin reklamlarını analiz etməliyik. Hansı açar sözlərdən istifadə olunub, reklam hara yönləndirilir? Onlardakı səhv və düzləri analiz edib, daha yaxşısını yaratmalıyıq.

Bu nüanslara diqqət edilərsə, hədəflərinizə daha tez çata bilərsiniz.

Xatırladaq ki, “Sharaf Media” rəsmi Google Partners şirkəti olaraq sizə Google ilə bağlı, o cümlədən Google – da reklam ilə əlaqədar peşəkar xidmətlər təklif edir. Reklamınızı mütəxəssisinə həvalə edin.

Əhməd Rəcəbli 19A
Khalili Plaza, Baki
+994 70 621 07 05
office@sharafmedia.az
info@sharafmedia.az