Pandemiyanın yavaş-yavaş yumşaldığı bir dövrdə rahatlıqla demək mümkündür ki, artıq heç nə əvvəlki kimi olmayacaq. Bəs şirkətlər bu yeni “normal”-a necə adaptasiya olmalıdır? Sürətli və davamlı inkişaf üçün nə etmək lazımdır?
1. Marketinq müştərini tanımaqla başlayır.
Yeni marketinq reallığı: Marketinq müştəri seqmentini tanımaqla başlayır.
Covid-19 bizə bəlkə də bildiyimiz, ancaq tətbiq etmədiyimiz reallıqları bir daha önümüzə gətirdi. Şirkətlər artıq başa düşdülər ki, spesifik hədəf kütləyə xitab etmək lazımdır. Müştərinin hal-hazırki vəziyyətini anlayıb, ona uyğun həll yolu təklif etmək daha vacibdir. Satış məqsədi daşıyan mesajı verərkən ilk öncə həmin insanın psixoloji vəziyyəti çox nəzərə alınmalı, kommersiya xarakterli mesajdan əvvəl onunla individual bir əlaqə qurulmalıdır.
2. Rəqiblərinizlə yarışırsınız.
Yeni marektinq reallığı: Müştərinizin sonuncu ən yaxşı təcrübəsi ilə yarışırsınız.
Müştəri gözləntiləri Covid-19-dan öncə də daim yüksək idi. Yeni gələn Z nəsli texnologiyanı həyatlarının hər sahəsinə inteqrasiya etməyi sevirlər. Bu da bilavasitə alış-veriş davranışlarına təsir edir.
Covid-19 ilə birlikdə bir günün içərisində dijital tranformasiya baş verdi. Müştərilərin şirkətlərdən onlayn xidmətlərlə bağlı gözləntiləri limitsiz hala gəldi. Bu da hal-hazırda müştəri gözləntilərinin maksimum həddə olması ilə müşahidə edilir.
3. Müştərilər istədiklərinin sizdə olduğuna ümid edirlər.
Yeni marketinq reallığı: Müştərilər arzu etdikləri məhsul və xidmətlərin sizdə olmasını vacib hesab edirlər.
İstehlakçı gözləntiləri artmaqda davam edərsə, biz həm B2C, həm də B2B kontekstində müştəri təcrübəsi ilə bağlı yeni dəyərlərə çalışmalıyıq. Bu gün istehlakçılar hər hansı bir təcrübənin rahat, sərfəli, öz dəyərlərinə uyğun və maneəsiz olmasını gözləyirlər. Başqa sözlə, onlar yalnız istədikləri zaman istədiklərini əldə etməməkdən narahatdırlar.
4. Müştərilərinizi marketinq strategiyanızın mərkəzinə yerləşdirməlisiniz.
Yeni marketinq reallığı: Müştəri yalnız müştəri səyahətinin mərkəzinə yerləşdirilməlidirlər.
Müştərimərkəzli konsept hamımıza məlumdur. Yadda saxlamaq lazımdır ki, marketinq müştərilərlə münasibətdə sadəcə başlanğıc addımdır. Məsələn, B2C kontekstində götürsək, biz bu səyahətə ilk öncə onları cəlbetmə ilə başlayır, daha sonra birbaşa və ya dolayı yollarla satışa yönəldir və daimi qalacaqlarını ümid edərək onların marka advokatına çevriləcəyini güman edirik.
Marketinqi müştərinin məhsul və xidmətlərlə tanışlığı zamanı uyğun nöqtələri birləşdirən bir sahə kimi görmək olar.
5. Əlaqələr vacibdir.
Yeni marektinq reallığı: Əlaqələr hər şeydir.
Müştərilərlə əlaqələr vacibdir. Məsələn, elə reklamın özü ilk öncə istehlakçıya vəd verir və sonrasında təklif etdiyi məhsul, göstərdiyi xidmət ilə bu vədini tutmağa çalışır.
Covid-19-un özü ilə birlikdə gətirdiyi reallıqlar çərçivəsində əlaqələrin əhəmiyyəti xüsusilə B2B sahəsində daha çox özünü büruzə verdi. Onlayn satış mühiti və güclü əlaqələrə malik komandalar bu vəziyyətdə daha az narahatlıq yaşadılar.
B2C kontekstində baxdıqda da güvənin önəmli olduğunu görürük. Bu, istehlakçı ilə şirkət arasında olan dəyər alış-verişində də önəmli rol oynayır.
6. Markanızın arxasında uğurlu məhsullar dayanmalıdır.
Yeni marketinq reallığı: Markanızın arxasında dəyərlər dayanmalıdır.
EY Future Consumer Index-in apardığı araşdırmaya görə getdikcə istehlakçıların məshul/xidmət alış-verişində inam, etik xidmət və sosial məsuliyyət kimi faktorlar keyfiyyət, qiymət və rahatlıq faktorlarını üstələməyə başlayıb.
Bu səbəbdən post-pandemiya dövründə marketinqin markanın dəyərlərini daha geniş tanıtması kimi vacib bir rolu da meydana çıxır.
Yeni marketinq reallıqları dövründə öncəkindən daha fərqli marketinq strategiyasının izlənməsi zəruridir. Əgər siz də markanızı post-pandemiya dövrünə adaptasiya etmək və məqsədlərinizə çatmaq istəyirsinizsə, “Sharaf Media” reklam agentliyi olaraq sizə kömək etməyə hazırıq.
