Instagram hesabını rəsmiləşdirmək üçün nə etməliyik?
SMM, Hesabın təsdiqlənməsi, Sharaf Media
2020-ci ilin Yanvar ayındakı statistikaya görə, Azərbaycanda istifadə olunan sosial şəbəkələr arasında ilk yeri 2.9 milyon istifadəçi ilə Instagram sosial şəbəkəsi tutur. İnsanlar platformanı müxtəlif məqsədlər üçün istifadə edir. Onlar arasında Instagram -da biznes quran, yaxud bloq yaradanlar az deyil. Bu şəxslərdən SMM agentlikləri ilə əməkdaşlıq edənlər də var, bütün prosesi özü idarə edən də.
Bəzilərinin fəaliyyətləri bir müddət sonra kontent hazırlamaq, paylaşım etmək, İnstagram –da reklam vermək, izləyiciləri cəlb etməkdən də irəli gedir. Bu da artıq onların təsdiqlənmiş Instagram hesabı istəməsi ilə nəticələnir.
“Sharaf Media” reklam agentliyi həmin istifadəçilərin təsdiqlənmiş hesabın simvolu olan göy işarəni necə alacaqları ilə bağlı məlumatları təqdim edir.
Hər şeydən öncə Instagram hesabının doğrulanmasının nə mənaya gəldiyini açıqlayaq. Əgər sizin profiliniz təsdiqlənibsə, artıq Instagram tərəfindən sizin hesabınızın tanınmış bir şəxsə, yaxud hansısa bir markaya aid olduğu rəsmi formada qəbul olunub. Bu göy nişanlar vasitəsilə sizin Instagram hesabınız axtarışlarda daha öndə çıxacaq və adınıza açılmış saxta hesablardan fərqləndirilməsini təmin edəcək.
Əslində, göy nişan üçün hər kəs müraciət edə bilər. Lakin müraciətinizin qəbul olunması üçün ilkin olaraq aşağıdakılar təmin olunmalıdır:
Qaydalara uyğun: Instagram sosial şəbəkəsinin Xidmət Şərtləri və İcma Təlimatlarına əməl etmək.
Orijinal: Birbaşa hesabı istifadə edən şəxs olmaq, yaxud markanın əməkdaşı olmaq. Yəni siz hansısa fan səhifəsi, yaxud sadəcə şirkətlə bağlı səthi informasiyalar verən bir hesabı idarə etməməlisiniz.
Unikal: Dil dəyişikliyindən savayı, Instagram bir qurumun sadəcə bir hesabını təsdiqləyə bilər.
Hamıya açıq: Gizli profillər Instagram tərəfindən təsdiqlənmir.
Tam: Haqqınızda bütün məlumatlar əskiksiz olmalıdır. Buna ünvanınız, saytınız, profil şəkliniz və.s aiddir. Təbii ki, paylaşımlarınızın olması da gərəklidir.
Lazımi: Doğrudan da, təsdiq alacaq qədər önəmli şəxs, yaxud şirkətsinizmi?
Ola bilər ki, siz keyfiyyətli kontent paylaşır və Instagram -ı qaydalara uyğun formada idarə edirsiniz. Hətta bunun üçün büdcənizdən müəyyən məbləğ ayıraraq SMM agentlikləri ilə çalışırsınız. Lakin izləyici sayınız olduqca azdır. Narahat olmayın. Instagram sosial şəbəkəsində izləyici sayı 15 minə çatmayan, amma təsdiqlənən hesablar az deyil. Özünüzə və hesabınıza güvənirsinizsə, müraciət etməkdən çəkinməyin.
Əgər profilinizdə digər sosial şəbəkələrin linklərini qeyd etmisinizsə, müraciət etməzdən öncə onları silin. Xüsusən də Youtube və Twitter sosial şəbəkələrinin bağlantılarını aradan qaldırmağı unutmayın.
Çalışın ki, izləyiciləriniz real olsun. Saxta yollara əl atmayın. Xidmətlərində bunu təklif edən SMM agentlikləri ilə söhbət belə etməyin. Bu sadəcə göy nişan almağınızı əngəlləməklə qalmaz, eyni zamanda hesabınızın spama düşməyinə səbəb olar.
Mediada haqqınızda informasiyalar paylaşılırmı? Siz, yaxud şirkətiniz insanlara maraqlıdırmı? Instagram -da insanlar məhz sizi axtarırmı? Bunlar hesabınızın təsdiqlənməsi üçün vacib nüanslardır.
Bütün bunların tam və dəqiq olduğu halda, rədd cavabı almısınız? Çalışmağa davam edin. Səhvlərinizi araşdırın. Yaxud da “Sharaf Media” reklam agentliyi ilə əlaqə saxlayın.
