Instagramda izləyici sayınız niyə azalır?

SMM, Instagramda reklam, Sharaf Media

Sadəcə instagramda reklam verərək səhifənizi böyüdüb, izləyicilərinizin sayını artıra bilməzsiniz. Bunun üçün idarəetmə strategiyanız olmalıdır. Ancaq bu idarəetməyə bəzi prosesləri əsla daxil etməməlisiniz. Əks halda, səhifəniz spama düşər, blok olunar, hətta Instagram tərəfindən bağlanar. Yaxud məlumatlarınız başqasının əlinə keçər və hesabınız oğurlanma təhlükəsi ilə üz-üzə qalar.

Bu yollara əl atmayın!

Tez-tez “giveaway”lərə qoşulmaq – “Giveaway”lər instagramda reklam verdikdə aldığınız nəticədən daha sürətli və böyük nəticə verə bilər. Lakin nəzərə alın ki, siz instagramda reklam verərkən məshul və xidmətinizə uyğun, dəqiq auditoriyanı hədəfləyirsiniz. Ancaq “giveaway”ə qoşulanlar sizin səhifənizə məhz hədiyyə və pul üçün gəlirlər. Buna rəğmən belə yarış və kampaniyalara qoşulmaq istəyirsinizsə, daha az ödəniş tələb edən, lakin sizin səhifənizə daha yaxın olan hesablardakı yarışmalara qoşula bilərsiniz. Yoxsa 50-60 min yeni izləyiciniz yarışma bitdikdən sonra Instagram hesabınızı “unfollow” edəcək və sizə qalan itirilən pul olacaq.

İzləyici almaq – İzləyici almaq sizi daha sonra böhrana uğradacaq. Bu 1 ay sonra da ola bilər, 6 ay sonra da ola bilər. Niyə? Çünki aldığınız izləyicilər, əsasən, real, aktiv olmayan hesablardan təşkil olunur. Instagram təmizlik işləri gördükdə o profilləri aradan qaldırır. Siz gecə yatanda izləyici sayınız 100 min olduğu halda, səhər gözünüzü açdıqda 60-70 min izləyicili Instagram hesabı ilə üzləşə bilərsiniz.

İzləyici artıran proqramlara qoşulmaq – Bu proqramlara qoşulmaq ən təhlükəli yollardan biridir. Bəzən instagramda reklam verməyi təklif edən şirkətlər, şəxslər də bunlardan istifadə edərək müştəriləri aldada bilir. Təhlükə nədən ibarətdir? Bu proqramlar sizin şəxsi məlumatlarınızı tamamilə ələ keçirir. Sizin adınızdan paylaşım, bəyənmə, rəy, mesaj yazmaq iqtidarında olur. Qısası, sizin profilinizdə hər şey edə bilirlər, siz isə bütün prosesdən bixəbər olursunuz. Proqramlarla izləyici artıran istifadəçilərin hesablarının oğurlanması da tez-tez müşahidə olunan hallardan biridir.

Başqalarına tez-tez “follow” atmaq – Bu üsul problemsiz kimi görünə bilər, hətta bloka düşüb-çıxdıqdan sonra yenə də davam edə bilərsiniz ki“Əsas odur ki, izləyicilər artır“. Amma məsələ bundan ibarət deyil. “Follow” göndərdiyiniz izləyicilərə təkrar “follow” atsanız, o, sizi şikayət edə bilər. Ya da bu prosesə görə bir neçə dəfə bloka düşsəniz, Instagram sizin hesab və paylaşımlarınızın görüntülənməsini, insanların qarşısına çıxma tezliyini azalda bilər.

Maraqsız kontent, aktivliyin azalması – Maraqsız yazılar, keyfiyyəti az şəkillər... Eh bəzi izləyicilər bundan dad çəkir. Bu postları instagramda reklam verərək daha çox insana çatdırmağa çalışsanız belə, istədiyiniz geridönüşü əldə etməyəcəksiniz. Çünki reklama qoyulan postlar belə kreativliyinə, maraqlı olmasına görə ödənilən pulun haqqını verir. Bir də bəzi satış səhifələrinin gündə 5-6 post paylaşması dözülməzdir. Onlar etdi, siz etməyin. Bu tək postlara yox, hekayə paylaşımlarına da aiddir. Birdən-birə 15-20 məhsulu hekayədə paylaşmaqla izləyiciləri sadəcə yora bilərsiniz. Paylaşımlarınızı aram-aram edin. Əgər, doğrudan da, paylaşım etmək məcburiyyətindəsinizsə, bir günə 2, maksimum 3 post paylaşın.

Dondurulan, silinən hesablar – Yuxarıda sadalanan səhvləri etmirsiniz, amma yenə də izləyiciniz azalır? Bu artıq sizinlə deyil, birbaşa izləyici ilə bağlı olan məsələdir. Bəzi insanlar hesablarını dondurduqları, ya da sildikləri üçün sizin izlənmə sayınız azalır. Bu hissədə isə demək olar ki, edə biləcəyiniz heç nə yoxdur. Qısası, özünüzü üzməyin.

Bu vasitələrlə izləyici sayının sağlam artışına nail ola bilməzsiniz. Ancaq “Sharaf Media” reklam agentliyinə müraciət etsəniz, o artım ürəyinizcə olacaq.

Əhməd Rəcəbli 19A
Khalili Plaza, Baki
+994 70 491 07 07
+994 70 621 07 05
office@sharafmedia.az
info@sharafmedia.az