SMM, İnternetdə reklam, Sharaf Media
İnternetdə reklam vermək, müştərilərlə onlayn ünsiyyətin qurulması, rəqəmsal marketinq strategiyası – bütün bu yenilikləri qəbullanmayan, öz idarəetmə planına aid etməyən o qədər şirkət var idi ki. Lakin 2020-ci ildə baş vermis pandemiya onları da innovasiyaya ayaq uydurmağa məcbur etdi və şübhəsiz ki, gec-tez hamı bununla üzləşəcək. Çünki zamanın tələbi budur.
Dijital marketinq dedikdə internetdə reklam ağıla gələn ilk vasitələrdən biridir. Hazırda bir çox böyük şirkət, o cümlədən “Google” və “SpaceX” şirkətləri bütün dünyanı internetlə təchiz etmək üçün bir sıra layihələr hazırlayıb, testdən keçirirlər. Təbii ki, bizim bilmədiyimiz onlarla startapın olması da istisna deyil. Çünki intellektual insanlar baş verənlərin fərqindədirlər və bəşəriyyətin hər hansı bir hissəsinin bu prosesdən kənarda qalmasını istəmirlər. Belə olan halda, şirkətlər də ənənəvi reklamdan dijital reklama keçməyə tələsir. Əslində, artıq keçməmiş çox az qurum qalıb desək, heç də yalan olmaz.
Bəs niyə ənənəvi marketinqdən dijital marketinqə keçid etməliyik?
Auditoriyanın məkanı: İnternetdə reklam vermək niyə bu qədər yayılıb? Çünki auditoriya rəqəmsal platformalara köçür. Doğrudan da, yaşlı nəslin nümayəndələri azaldıqca və Y nəslinin nümayəndələrinin sayı artdıqca bunun hansı dərəcədə doğru olduğunu müşahidə edə bilirik.
Münasib qiymət: KİV-lərdə reklam olduqca baha başa gəlir. Halbuki internetdə reklam vasitələri – Google, Facebook, İnstagram və.s platformalar vasitəsilə reklam etmək daha münasib qiymətə həyata keçir.
Hədəf auditoriya: Ənənəvi reklam alətləri baha olmaqla yanaşı, həm də səmərəsiz idi. İnternetdə reklam verdikdə biz məhsulumuzla maraqlananları yaşına, yaşayış yerinə, maraq dairələrinə və.s məlumatlarına uyğun olmaqla müəyyən edə bilirik. Lakin ənənəvi reklam bizə bu vasitələrin demək olar ki, heç birini vermirdi.
Detallı nəticə: İnternetdə reklam verdikdən sonra biz nəticəni incəliklərinə qədər gözdən keçirə bilirik – reklamı nə qədər adam gördü, məhsulla neçə nəfər maraqlandı, kimlər bəyəndi, yaxud rəy yazdı və.s. Marketinqdə də bu cür nəticələr prosesin növbəti mərhələsinin strategiyasının hazırlanması, planlaşdırılması üçün çox önəmlidir. Çünki bu zaman nəticələrə əsasən çalışırlar ki, səhvlər yenidən təkrarlanmasın, müsbət tərəflər gücləndirilsin.
Lakonik, maraqlı kontent: Ənənəvi marketinqdə, əsasən, videoçarxlardan istifadə olunur. Bu isə bəzən həm çox vaxt, həm də çox pul sərf edilməsinə səbəb olur. Fəqət rəqəmsal platformalarda bizə fikrimizi 1 şəkillə, 1 cümlə ilə belə ifadə etməyə şərait yaradılır. Əsas odur ki, ideyamız maraqlı olsun.
Qeyd olunanlarla razılaşır, ancaq internetdə reklam verə bilmirsiniz? Yaxud işi peşəkarlara tapşırmaq istəyirsiniz? Dərd etməyin, “Sharaf Media” reklam agentliyinə müraciət edin.
